loader image

Pragalbha prem – a poem by Nirala

aaj nahin hai mujhe aur kuchh chaah,
ardhavikav is hrday-kamal mein aa too
priye, chhod kar bandhanamay chhndon kee chhotee raah!
gajagaamini, vah path tera sankeern,
kantakaakeern,
kaise hogee usase paar?
kaanton mein anchal ke tere taar nikal jaayenge
aur ulajh jaayega tera haar
mainne abhee abhee pahanaaya
kintu nazar bhar dekh na paaya-kaisa sundar aaya.

mere jeevan kee too priye, saadhana,
prastaramay jag mein nirjhar ban
utaree rasaaraadhana!
mere kunj-kuteer-dvaar par aa too
dheere dheere komal charan badha kar,
jyotsnaakul sumanon kee sura pila too
pyaala shubhr karon ka rakh adharo par!
bahe hrday mein mere, priy, nootan aanand pravaah,
sakal chetana meree hoye lupt
aur jag jaaye pahalee chaah!
lakhoon tujhe hee chakit chaturdik,
apanaapan main bhooloon,
pada paalane par main sukh se lata-ank ke jhooloon;
keval antastal mein mere, sukh kee smrti kee anupam
dhaara ek bahegee,
mujhe dekhatee too kitanee asphut baaten man-hee-man
sochegee, na kahegee!
ek lahar aa mere ur mein madhur karaaghaaton se
degee khol hrday ka tera chiraparichit vah dvaar,
komal charan badha apane sinhaasan par baithegee,
phir apanee ur kee veena ke utare dheele taar
komal-kalee unguliyon se kar sajjit,
priye, bajaayegee, hongee suralalanaen bhee lajjit!

iman-raaginee kee vah madhur tarang
meethee thapakee maar karegee meree nidra bhang;
jaagoonga jab, sam mein sama jaayagee teree taan,
vyaakul honge praan,
supt svaron ke chhaaye sannaate mein
goonjega yah bhaav,
maun chhodata hua hrday par virah-vyathit prabhaav–
“kya jaane vah kaisee thee aanand-sura
adharon tak aakar
bina mitaaye pyaas gaee jo sookh jalaakar antar!”

Pragalbha prem

488

Add Comment

© 2022 Pothi | All Rights Reserved

Do not copy, Please support by sharing!