loader image

yah deep akela – a poem by Agyeya

yah deep akela sneh bhara
hai garv bhara madamaata
par isako bhee pankti ko de do

yah jan hai : gaata geet jinhen phir aur kaun gaayega?
panadubba : ye motee sachche phir kaun krtee laayega?
yah samidha : aisee aag hatheela birala sulagaayega.
yah adviteey : yah mera : yah main svayan visarjit :

yah deep, akela, sneh bhara
hai garv bhara madamaata
par is ko bhee pankti de do

yah madhu hai : svayan kaal kee mauna ka yug-sanchay,
yah goras : jeevan-kaamadhenu ka amrt-poot pay,
yah ankur : phod dhara ko ravi ko takata nirbhay,
yah prakrt, svayambhoo, brahm, ayut :
is ko bhee shakti ko de do

yah deep, akela, sneh bhara
hai garv bhara madamaata
par is ko bhee pankti de do

yah vah vishvaas, nahin jo apanee laghuta mein bhee kaanpa,
vah peeda, jisakee gaharaee ko svayan usee ne naapa,
kutsa, apamaan, avagya ke dhundhuaate kadave tam mein
yah sada-dravit, chir-jaagarook, anurakt-netr,
ullamb-baahu, yah chir-akhand apanaapa.
jigyaasu, prabuddh, sada shraddhaamay
is ko bhakti ko de do

yah deep, akela, sneh bhara
hai garv bhara madamaata
par is ko bhee pankti de do.

Add Comment

© 2021 Pothi | All Rights Reserved

Do not copy, Please support by sharing!