loader image

mainne poochha kya kar rahee ho

mainne poochha
yah kya bana rahee ho?
usane aankhon se kaha
dhuaan pochhate hue kaha-
mujhe kya banaana hai! sab-kuchh
apane aap banata hai
mainne to yahee jaana hai.
kah lo bhagavaan ne mujhe yahee diya hai.

meree sahaanubhooti mein hath tha-
mainne kaha- kuchh to bana rahee ho
ya jaane do, na sahee
bana nahin rahee
kya kar rahee ho?
vah bolee- dekh to rahe ho
chheelatee hoon
namak chhidakatee hoon
masalatee hoon
nichodatee hoon
kodatee hoon
kasatee hoon
phodatee hoon
phentatee hoon
maheen binaaratee hoon
masaalon se sanvaaratee hoon
degachee mein palatatee hoon
bana kuchh nahin rahee
banaata jo hai – yah sahee hai-
apane-aap banaata hai
par jo kar rahee hoon–
ek bhaaree pende
magar chhote munh kee
degachee mein sab kuchh jhonk rahee hoon
dabaakar anta rahee hoon
seejhane de rahee hoon.
main kuchh karatee bhee nahin–
main kaam salatatee hoon.

main jo parosoongee
jin ke aage parosoongee
unhen kya pata hai
ki mainne apane saath kya kiya hai?

Add Comment

© 2021 Pothi | All Rights Reserved

Do not copy, Please support by sharing!