loader image

vah chidiya jo – a poem by Kedarnath Agarwal

vah chidiya jo-
chonch maar kar
doodh-bhare jundee ke daane
ruchi se, ras se kha letee hai
vah chhotee santoshee chidiya
neele pankhon vaalee main hoon
mujhe an‍na se bahut p‍yaar hai.

vah chidiya jo-
kanth khol kar
boodhe van-baaba ke khaatir
ras undel kar ga letee hai
vah chhotee munh bolee chidiya
neele pankhon vaalee main hoon
mujhe vijan se bahut p‍yaar hai.

vah chidiya jo-
chonch maar kar
chadhee nadee ka dil tatol kar
jal ka motee le jaatee hai
vah chhotee garabeelee chidiya
neele pankhon vaalee main hoon
mujhe nadee se bahut p‍yaar hai.

936

Add Comment

By: Kedarnath Agarwal

© 2022 Pothi | All Rights Reserved

Do not copy, Please support by sharing!