shabdon ka kad kitana chhota hai
phir bhee ve
naap rahe kab se vedaant.
jharata hai baadal se neela aakaash
pedon kee anjuree se
risatee hai dhoop
sooraj kee bhaasha ko kaun padhe?
sooryamukhee
upavan mein dikhata ekaant.
lokageet odhe sharamaate hain khet,
taaron se
gupachup batiyaate khalihaan
mausam ke kaanon mein pahanaakar baat
lauta hai
paradesee praant.
kaason ke van mein hain yaadon kee gandh,
ghaatee mein
garbhavatee dhvaniyon ke gaanv
johad mein phenk maree machhalee ko
kaante mein phaans raha
tat ka vishraant.