loader image

dhoondhe naya makaan – a poem by Kunwar Bechain

adhar-adhar ko dhoondh rahee hai
ye bholee muskaan
jaise koee mahaanagar mein dhoondhe naya makaan

nayan-geh se nikale aansoo
aise dare-dare
bheed bhara chauraaha jaise
koee paar kare
mann hai ek, hajaaron jisamen
baithe hain toophaan
jaise ek kaksh ke ghar mein ruken kaee mehamaan

saanson ke peechhe baithe hain
naye-naye khatare
jaise lagen jeb ke peechhe
kaee jeb-katare

tan-man mein rahatee hai haradam
koee nayee thakaan
jaise rahe pita ke ghar par vidhava suta javaan

748

Add Comment

By: Kunwar Bechain

© 2022 Pothi | All Rights Reserved

Do not copy, Please support by sharing!