phoolon par pade-pade akasar mainne
os ke baare mein socha hai–
kiranon kee nokon se thaharaakar
jyoti-bindu phoolon par
kis jyotirvid ne
is jagamag khagol kee
jatil janm-kundalee banaayee hai?
phir kyon nihshlesh kiya
alankaran par bhar mein?
ek se shoony tak
kisakee yah jyaamitik sanakee jamuhaee hai?
aur phir unako bhee socha hai–
vrkshon ke tale pade
phate-chite patte—–
unakee ankaganit
mein kaisee yah udhedabun?
hava kuchh ginatee hai:
gire hue patton ko kaheen se uthaatee
aur kaheen par rakhatee hai.
kabhee kuchh patton ko daalon se todakar
yon hee phenk detee hai marodakar….
kabhee-kabhee phailaakar naya prshth – antariksh-
godatee chalee jaatee…vriksh…vriksh…vriksh