loader image

saja rahega andheron se hee khandar mera

saja rahega andheron se hee khandar mera
ik ek kar ke hua khatm ab safar mera

mira mizaaj mira tarz-e-zindagee hai juda
na ho sakega mire ghar mein bhee guzar mera

jo kaam aa sake le ja mire azeez abhee
ye tere saamane haazir hai aaj sar mera

qalam uthaoon ki bachchon kee zindagee dekhoon
pada hua hai doraahe pe ab hunar mera

hai khushk patton kee maanind zindagee aajiz
na khaanadaan hai koee na koee ghar mera

377

Add Comment

By: Laiq Aajiz

© 2022 Pothi | All Rights Reserved

Do not copy, Please support by sharing!