loader image

main neer bharee dukh kee badalee!

main neer bharee dukh kee badalee!

spandan mein chir nispand basa
krandan mein aahat vishv hansa
nayanon mein deepak se jalate,
palakon mein nirjhaarinee machalee!

mera pag-pag sangeet bhara
shvaason se svapn-paraag jhara
nabh ke nav rang bunate dukool
chhaaya mein malay-bayaar palee.

main kshitij-bhrkuti par ghir dhoomil
chinta ka bhaar banee aviral
raj-kan par jal-kan ho barasee,
nav jeevan-ankur ban nikalee!

path ko na malin karata aana
path-chihn na de jaata jaana;
sudhi mere aagan kee jag mein
sukh kee siharan ho ant khilee!

vistrt nabh ka koee kona
mera na kabhee apana hona,
parichay itana, itihaas yahee-
umadee kal thee, mit aaj chalee!

854

Add Comment

By: Mahadevi Verma

© 2021 Pothi | All Rights Reserved

Do not copy, Please support by sharing!