loader image

mainne dekha – a poem by Nagarjun

mainne dekha:
do shikharon ke antaraal vaale jangal mein
aag lagee hai…

bas ab oopar kee modon se
aage badhane lagee sadak par
mainne dekha:
dhuaan uth raha
ghaatee vaale
khandit-mandit antariksh mein
mainne dekha: aag lagee hai
do shikharon ke antaraal vaale jangal mein.

mainne dekha: shikharon par
das-das trikoot hain
yahaan-vahaan par chitr-koot hain
daen-baen talahatiyon tak
phaile inake jata-joot hain
sookhe jharanon ke nishaan hain
teen pathon mein bahane vaalee
ganga ke mahima-bakhaan hain
das jhopadiyaan, do makaan hain

inakee aabha damak rahee hai
inaka choona chamak raha hai
inake maalik ve kisaan hain
jinake ladake maidaanon mein
yug kee daant-dapat sahate hain
daftar mein bhee chup rahate hain.

(5 maee 1985)

654

Add Comment

© 2022 Pothi | All Rights Reserved

Do not copy, Please support by sharing!