nae kapade badal kar jaoon kahaan aur baal banaoon kis ke lie
vo shakhs to shahar hee chhod gaya main baahar jaoon kis ke lie
bharee duniya mein jee nahin lagata
jaane kis cheez kee kamee hai abhee
mujhe ye dar hai tiree aarazoo na mit jae
bahut dinon se tabeeat miree udaas nahin
is qadar roya hoon teree yaad mein
aaeene aankhon ke dhundale ho gae
judaiyon ke zakhm dard-e-zindagee ne bhar die
tujhe bhee neend aa gaee mujhe bhee sabr aa gaya
vaqt achchha bhee aaega nasir
gam na kar zindagee padee hai abhee
dil to mera udaas hai nasir
shahar kyoon saen saen karata hai
naee duniya ke hangaamon mein nasir
dabee jaatee hain aavaazen puraanee
yaad hai ab tak tujh se bichhadane kee vo andheree shaam mujhe
too khaamosh khada tha lekin baaten karata tha kaajal
aaj to be-sabab udaas hai jee
ishq hota to koee baat bhee thee