mere is jeevan kee hai too saras saadhana kavita,
mere taru kee hai too kusumit priye kalpana-gyatika;
madhumay mere jeevan kee priy hai too kamal-kaaminee,
mere kunj-kuteer-dvaar kee komal-charanagaaminee,
noopur madhur baj rahe tere,
sab shrrngaar saj rahe tere,
alak-sugandh mand malayaanil dheere-dheere dhotee,
pathashraant too supt kaant kee smrti mein chalakar sotee
kitane varnon mein, kitane charanon mein too uth khadee huee,
kitane bandon mein, kitane chhandon mein teree ladee gaee,
kitane granthon mein, kitane panthon mein, dekha, padhee gaee,
teree anupam gaatha,
mainne ban mein apane man mein
jise kabhee gaaya tha.
mere kavi ne dekhe tere svapn sada avikaar,
nahin jaanatee kyon too itana karatee mujhako pyaar!
tere sahaj roop se rang kar,
jhare gaan ke mere nirjhar,
bhare akhil sar,
svar se mere sikt hua sansaar!
priya se