kya maslahat-shanaas tha vo aadamee qateel
majabooriyon ka jis ne vafa naam rakh diya
yoon tasallee de rahe hain ham dil-e-beemaar ko
jis tarah thaame koee giratee huee deevaar ko
aaya hee tha abhee mire lab pe vafa ka naam
kuchh doston ne haath mein patthar utha lie
sham jis aag mein jalatee hai numaish ke lie
ham usee aag mein gum-naam se jal jaate hain
maana jeevan mein aurat ik baar mohabbat karatee hai
lekin mujh ko ye to bata de kya too aurat zaat nahin
tumhaaree be-rukhee ne laaj rakh lee baada-khaane kee
tum aankhon se pila dete to paimaane kahaan jaate
angadaee par angadaee letee hai raat judaee kee
tum kya samajho tum kya jaano baat miree tanhaee kee
hausala kis mein hai yoosuf kee khareedaaree ka
ab to mahangaee ke charche hain zulekhaon mein
apane lie ab ek hee raah najaat hai
har zulm ko raza-e-khuda kah liya karo
tark-e-vafa ke baad ye us kee ada qateel
mujh ko satae koee to us ko bura lage