is khushaboo ke saath judee huee
hai ek ghatiya film kee daastaan
rangeen film kee
oobe andhere mein
khade hue baahar nikalane se pahale band hote hue
kamare mein
ek baar
bheed mein
jaan-boojh
kar cheekh
na hoga
jinda rahane ke lie
bhaunchak baithee huee rah jaen
peelee kanyaen
seelee chaachiyon ke paas
tikee rahe kshan-bhar ko pet par
yauvan ke ek mahaan kshan kee marod
fir saans chhod kar chale
janata
suthanna samhaalatee
saaree jaati ek jhooth ko peekar
ek ho gayee film ke baad
ek sharm ko peekar yuddh ke baad
saaree jaati ek
is haath ko dekho
jisame hathiyaar nahin
aur apanee ghutan ko samajho, mat
ghutan ko samajho apanee
ki bhaasha kore vaadon se
vaayadon se bhrasht ho chukee hai sabakee
na sahee yah kavita
yah mere haath kee chhatapataahat sahee
yah ki main ghor ujaale mein khojata hoon
aag
jab ki har abhivyakti
vyakti nahin
abhivyakti
jalee huee lakadee hai na koyala na raakh
krodh, nakkoo krodh, kaatar krodh
tumane kis aurat par utaara krodh
vah jo dikhalaatee hai pair peeth aur fir
bhee kisee vastu ka vigyaapan nahin hai
moorkh, dharmayug mein astura bechatee hai vah
kuchh nahin detee hai bistar mein bees baras ke mere
apamaan ka javaab
har saal ek aur naujavaan ghoonsa
dikhaata hai mez par patakata hai
boodhon kee bolee mein khokhale iraade doharaata hai
haan hamase huee jo galatee so huee
kahakar ek boodha uth
ek sapaat ek viraat ek khurraat samudaay ko
sir navaata hai
har paanch saal baad nirvaachan
jad se badal deta hai saahity akaadamee
aurat vahee rahatee hai vahee jaati
ya to ashleel par hansatee hai ya to siddhaant par
sena ka naam sun deshaprem ke maare
mejen bajaate hain
sabhaasad bhad bhad koee nahin ho sakatee
raashtr kee
sansad ek mandir hai jahaan kisee ko drohee kaha nahin
ja sakata
doodhapiye munhaponchhe aa baithe jeevanadaanee gond-
daanee sadasy tond sammukh dhar
bole kavita mein deshaprem laana hariyaalee prem laana
aaisakreem laana hai
bhola chehara bola
aatma nen nakalee jabadevaala munh khola
das mantree beeemaan aur koee aparaadh siddh nahin
kaal rog ka phal hai akaal anaavrshti ka
yah bhaarat ek mahaagadda hai prem ka
odhane-bichhaane ko, dhaaran kar
dhotee maheen sadaanand pasara hua
daude jaate hain dare ladephande bhaarateey
relagaadee kee taraf
thakee huee aurat ke bade daant
baahar giraate hain usakee bachee-khuchee shakti
usakee bachchee abhee tees saal tak
adhed hone ke teesare darje mein
maatrbhoomi ke sammaan ka saamaan dhotee huee
jagah dhoondhatee rahe
chashma lagae hue ek silaee-masheen
kandhe uthaaye hue
ve bhaage jaate hain jaise bamabaaree ke
baad bhaage jaate hon nagar-nigam kee
sadaandh liye-diye doosare shahar ko
alag-alag vansh ke veery ke sookhe
andakosh baandh .
bhompoo ne kaha
paanch bajakar gyaarah minat satrah daun nau
nambar letaphaaram
sir utha dekha vigyaapan mein film ke ladakee
motaatee huee chadhee praananaath ke sir use
kaheen nahin jaana hai.
paanch dal aapas mein samajhauta kiye hue
bade-bade latake hue stan hilaate hue
jaangh thonk ek bahut door desh kee videsh neeti par
haunkate daunkate munh noch lete hain
apane matadaata ka
ek baar jaan-boojhakar cheekhana hoga
zinda rahane ke liye
darshakadeergha mein se
rangeen film kee ghatiya kahaanee kee
sastee shaayaree ke sher
sansad-sadasyon se sun
chukane ke baad.
