roya hoon main bhee kitaab padhakar ke
par ab yaad nahin kaun-see
shaayad vah koee vrttaant tha
paatr jisake anek
banate the chaaron taraph se mandaraate hue aate the
padhata jaata aur rota jaata tha main
kshan bhar mein sahasa pahachaana
yah padhata kuchh aur hoon
rota kuchh aur hoon
donon jud gaye hain padhana kitaab ka
aur rona mere vyakti ka
lekin maine jo padha tha
use nahin roya tha
padhane ne to mujhamen rone ka bal diya
dukh maine paaya tha baahar kitaab ke jeevan se
padhata jaata aur rota jaata tha main
jo padhata hoon us par main nahee rota hoon
baahar kitaab ke jeevan se paata hoon
rone ka kaaran main
par kitaab rona sambhav banaatee hai.