azal se aaj tak sajde kie aur ye nahin socha
kisee ka aastaan kyoon hai kisee ka sang-e-dar kya hai
abhee to ek vatan chhod kar hee nikale hain
hanooz dekhanee baaqee hain hijaraten kya kya
ravaan hai qaafila-e-rooh-e-ilatifaat abhee
hamaaree raah se hat jae kaenaat abhee
havas-parast adeebon pe had lage koee
tabaah karate hain lafzon kee ismaten kya kya
gae the naqd-e-giraan-maaya-e-khuloos ke saath
khareed lae hain sastee adaavaten kya kya
jab ishq tha to dil ka ujaala tha dahar mein
koee charaag noor-badaamaan nahin hai ab
pastee ne bulandee ko banaaya hai haqeeqat
ye rifat-e-aflaak bhee muhataaj-e-zameen hai
kufr o islaam ke jhagade ko chuka do saahab
jang aapas mein karen shaikh o barahaman kab tak
kaun uthae ishq ke anjaam kee jaanib nazar
kuchh asar baaqee hain ab tak hairat-e-aagaaz ke
baal-o-par kee jumbishon ko kaam mein laate raho
ai qafas vaalo qafas se chhootana mushkil sahee