loader image

sooni saanjh – a poem by Shivmangal Singh

bahut dinon mein aaj milee hai
saanjh akelee, saath nahin ho tum.

ped khade phailae baanhen
laut rahe ghar ko charavaahe
yah godhulee, saath nahin ho tum,

bahut dinon mein aaj milee hai
saanjh akelee, saath nahin ho tum.

kulabul kulabul need-need mein
chahachah chahachah meed-meed mein
dhun alabelee, saath nahin ho tum,

bahut dinon mein aaj milee hai
saanjh akelee, saath nahin ho tum.

jaagee-jaagee soee-soee
paas padee hai khoee-khoee
nisha lajeelee, saath nahin ho tum,

bahut dinon mein aaj milee hai
saanjh akelee, saath nahin ho tum.

oonche svar se gaate nirjhar
umadee dhaara, jaisee mujhapar-
beetee jhelee, saath nahin ho tum,

bahut dinon mein aaj milee hai
saanjh akelee, saath nahin ho tum.

yah kaisee honee-anahonee
putalee-putalee aankh michaunee
khulakar khelee, saath nahin ho tum,

bahut dinon mein aaj milee hai
saanjh akelee, saath nahin ho tum.

705

Add Comment

© 2023 Pothi | All Rights Reserved

Do not copy, Please support by sharing!