loader image

chhod drumon kee mrdu chhaaya

chhod drumon kee mrdu chhaaya,
tod prakrti se bhee maaya,
baale! tere baal-jaal mein kaise ulajha doon lochan?
bhool abhee se is jag ko!
taj kar taral tarangon ko,
indradhanush ke rangon ko,
tere bhroo bhrangon se kaise bidhava doon nij mrig sa man?
bhool abhee se is jag ko!
koyal ka vah komal bol,
madhukar kee veena anamol,
kah tab tere hee priy svar se kaise bhar loon, sajani, shravan?
bhool abhee se is jag ko!
oosha-sasmit kisalay-dal,
sudha-rashmi se utara jal,
na, adharaamrt hee ke mad mein kaise bahala doon jeevan?
bhool abhee se is jag ko!

675

Add Comment

By: Sumitranandan Pant

© 2022 Pothi | All Rights Reserved

Do not copy, Please support by sharing!