loader image

titalee – a poem by Sumitranandan Pant

neelee, peelee au’ chatakeelee
pankhon kee priy pankhadiyaan khol,
priy tilee! phool-see hee phoolee
tum kis sukh mein ho rahee dol?
chaandee-sa phaila hai prakaash,
chanchal anchal-sa malayaanil,
hai damak rahee dopaharee mein
giri-ghaatee sau rangon mein khil!
tum madhu kee kusumit apsari-see
ud-ud phoolon ko barasaatee,
shat indr chaap rach-rach pratipal
kis madhur geeti-lay mein jaatee?
tumane yah kusum-vihag livaas
kya apane sukh se svayan buna?
chhaaya-prakaash se ya jag ke
reshamee paron ka rang chuna?
kya baahar se aaya, rangini!
ur ka yah aatap, yah hulaas?
ya phoolon se lee anil-kusum!
tumane man ke madhu kee mithaas?
chaandee ka chamakeela aatap,
him-parimal chanchal malayaanil,
hai damak rahee giri kee ghaatee
shat ratn-chhaay rangon mein khil!
–chitrini! is sukh ka srot kahaan
jo karata nij saundary-srjan?
‘vah svarg chhipa ur ke bheetar’–
kya kahatee yahee, suman-chetan?

titalee

639

Add Comment

By: Sumitranandan Pant

© 2021 Pothi | All Rights Reserved

Do not copy, Please support by sharing!