samundar le gaya ham se vo saaree seepiyaan vaapas
jinhen ham jam kar ke ik khazaana karane vaale the
khat likh ke kabhee aur kabhee khat ko jala kar
tanhaee ko rangeen bana kyoon nahin lete
shajar ke qatl mein is ka bhee haath hai shaayad
bata raha hai ye baad-e-saba ka chup rahana
koee aankhon ke shole ponchhane vaala nahin hoga
zafar saahab ye geelee aasteen hee kaam aaegee
tanhaee ko ghar se rukhsat kar to do
socho kis ke ghar jaegee tanhaee
falak ne bhee na thikaana kaheen diya ham ko
makaan kee neev zameen se hata ke rakkhee thee
zehanon kee kaheen jang kaheen zaat ka takaraav
in sab ka sabab ek mafaadaat ka takaraav
shaayad ab tak mujh mein koee ghonsala aabaad hai
ghar mein ye chidiyon kee chahakaaren kahaan se aa gaeen
use thahara sako itanee bhee to vusat nahin ghar mein
ye sab kuchh jaan kar aavaaragee se chaahate kya ho
nahin maaloom aakhir kis ne kis ko thaam rakkha hai
vo mujh mein gum hai aur mere dar o deevaar gum us mein