socha karata baith akele,
gat jeevan ke sukh-dukh jhele,
danshanakaaree sudhiyon se main ur ke chhaale sahalaata hoon!
aise main man bahalaata hoon!
nahin khojane jaata maraham,
hokar apane prati ati nirmam,
ur ke ghaavon ko aansoo ke khaare jal se nahalaata hoon!
aise main man bahalaata hoon!
aah nikal mukh se jaatee hai,
maanav kee hee to chhaatee hai,
laaj nahin mujhako devon mein yadi main durbal kahalaata hoon!
aise main man bahalaata hoon!