loader image

tumhaaree prem-veena ka achhoota taar main bhee hoon

tumhaaree prem-veena ka achhoota taar main bhee hoon
mujhe kyon bhoolate vaadak, vikal jhankaar main bhee hoon

mujhe kya sthaan jeevan devata hoga na charanon mein
tumhaare dvaar par vismrt pada upahaar main bhee hoon

banaaya haath se jisako, kiya barbaad pairon se
viphal jag mein gharaundon ka kshanik sansaar main bhee hoon

khila deta mujhe maaroot, mita deteen mujhe laharen
jagat mein khojata vyaakul kisee ka pyaar main bhee hoon

kabhee madhumaas ban jao hrday ke in nikunjon mein
prateeksha mein yugon se jal rahee patajhaad main bhee hoon

saras bhuj bandh taroovar ka jise durbhaagy se dustar
vijan van vallaree bhootal-patit sukumaar main bhee hoon…

Add Comment

By: Arsi Prasad Singh

© 2021 Pothi | All Rights Reserved

Do not copy, Please support by sharing!