loader image

aabhaas – a poem by Arsi Prasad Singh

meree saanson se shool chhila karate hain,
dukh bhee mere anukool mila karate hain.
aansoo se mere haree dhara kee daalee,
patthar mein bhee mrdu phool khila karate hain.

main kavita ka shrngaar kiya karata hoon,
main bhaavon se abhisaar kiya karata hoon.
takaraatee meree laharen jag ke tat se,
saagar-sa haahaakaar kiya karata hoon.

kavi hoon, yon-hee kuchh gaan kiya karata hoon,
main navayug ka nirmaan kiya karata hoon.
jaadoo se mere vivash dharaatal-vaasee,
main sab kee yon pahachaan kiya karata hoon.

main sab se aankhen chaar kiya karata hoon,
par, kisee-kisee ko pyaar kiya karata hoon.
mujhase prasann kyon rahen na mere sahachar?
main bijalee ka sanchaar kiya karata hoon.

main chitr tumhaara aank liya karata hoon,
khidakee se tumako jhaank liya karata hoon.
par, vahee saamane jo tum aa jaate ho,
main lajja se munh dhaank liya karata hoon.

main aliyon ko aahvaan kiya karata hoon,
kuchh apane par abhimaan kiya karata hoon.
mujhako na ek hee taru kee surabhi suhaatee,
main phool-phool ka paan kiya karata hoon.

main kab kisakee paravaah kiya karata hoon?
dukh se, peeda se aah kiya karata hoon.
jo mujhe bulaata, mujhe chaahata dil se,
main bhee bas, usakee chaah kiya karata hoon.

main in boondon ko paal liya karata hoon.
yon dil kee kasar nikaal liya karata hoon.
mastee mein meree phark jara bhee aata,
main kabhee-kabhee kuchh dhaal liya karata hoon.

hai svarg ek meree duniya ka kona,
mere antar mein ambar ko bhee khona.
paaras-sa mera paras, saras madhurtu-sa,
mittee bhee hotee mujhako chhoo kar sona.

main kaach lutaakar keech liya karata hoon,
drg-jal se antar seench liya karata hoon.
mat dekho meree or, chalo tum bachakar,
main sabako barabas kheench liya karata hoon.

main jahaan pahunchata, tumhen vaheen paata hoon,
priy, prakat kaheen to gupt kaheen paata hoon.
main mukur-jagat ka mukhada mujhamen dekho,
main apane ko hee dekh nahin paata hoon.

main is jag mein is tarah jiya karata hoon,
har vakt maut se khel kiya karata hoon.
gaane kee aadat rahee na mujhamen aisee,
main kabhee-kabhee gunaguna liya karata hoon.

Add Comment

By: Arsi Prasad Singh

© 2021 Pothi | All Rights Reserved

Do not copy, Please support by sharing!