ik din kee baat ho to use bhool jaen ham
naazil hon dil pe roz balaen to kya karen
in vafaadaaree ke vaadon ko ilaahee kya hua
vo vafaen karane vaale bevafa kyoon ho gae
dil mein leta hai chutakiyaan koee
hae is dard kee dava kya hai
mubaarak mubaarak naya saal aaya
khushee ka samaan saaree duniya pe chhaaya
gam azeezon ka haseenon kee judaee dekhee
dekhen dikhalae abhee gardish-e-dauraan kya kya
mujhe hai etibaar-e-vaada lekin
tumhen khud etibaar aae na aae
ik vo ki aarazuon pe jeete hain umr bhar
ik ham ki hain abhee se pasheemaan-e-aarazoo!
baja ki hai paas-e-hashr ham ko karenge paas-e-shabaab pahale
hisaab hota rahega ya rab hamen manga de sharaab pahale
mujhe donon jahaan mein ek vo mil jaen gar akhtar
to apanee hasaraton ko be-niyaaz-e-do-jahaan kar loon
gam-e-aaqibat hai na fikr-e-zamaana
pie ja rahe hain jie ja rahe hain