main hotal ke tauliya kee tarah
saarvajanik ho gaya hoon
kya khoob, khao aur ponchho,
zara socho,
yah bhee kya zindagee hai
jo hamesha doosaron ke jooth se geelee rahatee hai.
kate hue panje kee tarah ghoomate hain adhanange bachche
galiyon mein goliyaan khelate hain
magar avval yah ki
desh ke naqshe kee lakeeren in par nirbhar hain
aur doyam yah ki
na sahee mujhase sahee aadamee hone kee ummeed
magar aazaadee ne mujhe yah to sikhalaaya hai
ki ishtahaar kahaan chipakaana hai
aur peshaab kahaan karana hai
aur isee tarah khaalee haath
vaqt-bevaqt matadaan karate hue
haare huon ko heenkate hue
saphalon ka sammaan karate hue
mujhe ek janataantrik maut marana hai.
Closeclose