loader image

yudhishthir – a nazm by Ambar Bahraichi

abhee cheed ke jangalon se guzarana bahut jaan-faza hai
kaee meel ke baad barfeele toodon ka sahara milega
jahaan sard puravaiyon ke thapede thirakate milenge
umoodee dhalaanon ka ik silasila bhee milega achaanak
jise paar karane kee dhun mein tumhen apane sab saathiyon ko galaana padega
haseen daraupadee aur tumhaare jaree bhaiyon kee jamaat
inheen barf-zaaron ka hissa banegee
magar ye bhee hoga yudhishthir! tumhaara vafaadaar kutta
tumhaare aqab mein ba-sad-shauq har vaqt chalata rahega
mukhaalif faza mein tumhaaree hee dhadakan ka hissa rahega
use yakh jahannam nahin chhoo sakega
tumhaare jaree bhaiyon kee vajaahat, tumhaaree haseen daraupadee kee malaahat
tumhaare vafaadaar kutte ke aage pasheemaan rahegee..

Add Comment

By: Ambar Bahraichi

© 2023 Pothi | All Rights Reserved

Do not copy, Please support by sharing!