aaj waris shah se kahatee hoon
apanee kabr mein se bolo
aur ishk kee kitaab ka
koee naya vark kholo
panjaab kee ek betee roee thee
toone ek lambee daastaan likhee
aaj laakhon betiyaan ro rahee hain,
waris shah tum se kah rahee hain
ai dardamandon ke dost
panjaab kee haalat dekho
chaupaal laashon se ata pada hain,
chinaav lahoo se bharee padee hai
kisee ne paanchon dariya mein
ek jahar mila diya hai
aur yahee paanee
dharatee ko seenchane laga hai
is zarakhej dharatee se
jahar phoot nikala hai
dekho, surkhee kahaan tak aa pahunchee
aur kahar kahaan tak aa pahuncha
phir jahareelee hava van jangalon mein chalane lagee
usamen har baans kee baansuree
jaise ek naag bana dee
naagon ne logon ke honth das liye
aur dank badhate chale gaye
aur dekhate dekhate panjaab ke
saare ang kaale aur neele pad gaye
har gale se geet toot gaya
har charakhe ka dhaaga chhoot gaya
saheliyaan ek doosare se chhoot gaeen
charakhon kee mahaphil veeraan ho gaee
mallaahon ne saaree kashtiyaan
sej ke saath hee baha deen
peepalon ne saaree pengen
tahaniyon ke saath tod deen
jahaan pyaar ke nagame goonjate the
vah baansuree jaane kahaan kho gaee
aur raanjhe ke sab bhaee
baansuree bajaana bhool gaye
dharatee par lahoo barasa
kabaren tapakane lageen
aur preet kee shahajaadiyaan
majaaron mein rone lageen
aaj sab kaidon* ban gae
husn ishk ke chor
main kahaan se dhoondh ke laoon
ek waris shah aur…
*kaidon- heer ka chaacha jo use jahar de deta hai!