loader image

kumaaree – a poem by Amrita Pritam

mainne jab teree sej par pair rakha tha
main ek nahin thee- do thee
ek samoochee byaahee aur ek samoochee kumaaree
tere bhog kee khaatir-
mujhe us kumaaree ko qatl karana tha
mainne qatl kiya tha-
yah qatl, jo qaanoonan jaayaz hote hain
sirf unakee zillat naajaayaz hotee hai.
aur mainne us zillat ka zahar piya tha
phir subah ke vaqt-
ek khoon mein bheege apane haath dekhe the
haath dhoye the-
bilakul us tarah jyon aur gandale ang dhone the.
par jyon hee main sheeshe ke saamane aayee
vah saamane khadee thee
vahee jo apanee taraf se mainne raat qatl kee thee
aur khudaaya!
kya sej ka andhera bahut gaadha tha?
mainne kise qatl karana tha aur kise qatl kar bathee.

Add Comment

By: Amrita Pritam

© 2021 Pothi | All Rights Reserved

Do not copy, Please support by sharing!