loader image

main tujhe phir miloongee

main tujhe phir miloongee
kahaan kaise pata nahin
shaayad teree kalpanaon
kee prerana ban
tere kenavaas par utarungee
ya tere kenavaas par
ek rahasyamayee lakeer ban
khaamosh tujhe dekhatee rahoongee
main tujhe phir miloongee
kahaan kaise pata nahin.

ya sooraj kee lau banakar
tere rangon mein ghulatee rahoongee
ya rango kee baanhon mein baithakar
tere kenavaas par bichh jaoongee
pata nahin kahaan kis tarah
par tujhe zaroor miloongee

ya phir ek chashma banee
jaise jharane se paanee udata hai
main paanee kee boonden
tere badan par maloongee
aur ek sheetal ahasaas banakar
tere seene se lagoongee

main aur to kuchh nahin jaanatee
par itana jaanatee hoon
ki vaqt jo bhee karega
yah janam mere saath chalega
yah jism khatm hota hai
to sab kuchh khatm ho jaata hai

par yaadon ke dhaage
kaayanaat ke lamhon kee tarah hote hain
main un lamhon ko chunoongee
un dhaagon ko samet loongee
main tujhe phir miloongee
kahaan kaise pata nahin…

main tujhe phir miloongee!!

Add Comment

By: Amrita Pritam

© 2023 Pothi | All Rights Reserved

Do not copy, Please support by sharing!