loader image

devdas – a nazm by Anjum Azmi

zindagee ishq kee vahashat-bhara afsaana thee
mere haathon mein vo ik zahar ka paimaana thee

rooh ka gam ma-e-gulafaam se kam kya hota
koee tirayaak ba-juz vasl-e-sanam kya hota

kho gaee ‘paarabatee’, rotee rahee ‘chandramukhee’
zindagee lutatee rahee raah-guzaaron mein miree

gamagusaaron kee bhee yaad aaee magar bhool gaya
us kee baanhon ke siva kuchh na mujhe yaad raha

ik ubharatee rahee tasveer khala mein barason
main akela hee phira dasht-e-vafa mein barason

jal bujha jism ke hamaraah dil-e-sozaan tak
jaan dene chala aaya hoon dar-e-jaanaan tak

mar rahoon jaise be-bas-o-laachaar mare
kya qayaamat hai ki yoon ishq ka beemaar mare

na-umeedee hai ki ab taaqat-e-deedaar gaee
rukh-e-jaanaan kee havas rooh-e-giraftaar gaee

raat lo khatm huee aur zabaan band huee
mujh ko maaloom tha khaamosh savera hoga

log phenk aaenge mujh ko jahaan us maraghat par
maut ka chhaaya hua ghor andhera hoga

cheel kavvon ne magar laash ke tukade kar ke
har taraf koocha-e-jaanaan mein bikhera hoga..

devdas

Add Comment

By: Anjum Azmi

© 2021 Pothi | All Rights Reserved

Do not copy, Please support by sharing!