aanjuree bhar dhoop-sa
mujhe pee lo!
kan-kan
mujhe jee lo!
jitana hua hoon main aaj tak kisee ka bhee –
baadal nahaee ghaatiyon ka,
pagadandee ka,
alasaee shaamon ka,
jinhen nahin leta kabhee un bhoole naamon ka,
jinako bahut bebasee mein pukaara hai
jinake aage mera saara aham haara hai,
gajare-see baanhon ka
rang-rache phoolon ka
baurae saagar ke jvaar-dhule koolon ka,
hariyaalee chhaahon ka
apane ghar jaanevaalee pyaaree raahon ka –
jitana in sabaka hoon
utana kul milaakar bhee thoda padega
main jitana tumhaara hoon
jee lo
mujhe kan-kan
anjuree bhar
pee lo!