baarish din dhale kee
hariyaalee-bheegee, bebas, gumasum
tum ho
aur,
aur vahee balakhaee mudra
komal shankhavaale gale kee
vahee jhukee-mundee palak seepee mein khaata hua pachhaad
bezabaan samandar
andar
ek toota jalayaan
thakee laharon se poochhata hai pata
door- peechhe chhoote pravaaladveep ka
baandhoonga nahin
sirf kaanpatee ungaliyon se chhoo loon tumhen
jaane kaun laharen le aaee hain
jaane kaun laharen vaapis baha le jaengee
meree is reteelee vela par
ek aur chhaap chhoot jaegee
aane kee, rukane kee, chalane kee
is udaas baarish kee
paas-paas chup baithe
gupachup din dhalane kee!