loader image

krodh – a poem by Anupma Vindhyavasini

krodh
sirf vahee nahin hai
jo bataaya gaya hai ab tak –
ek kshanik aakrosh,
krodh, duhkh aur vivashata ka
charam star bhee hai
krodh, apane astitv kee khoj kee
raah mein, achaanak phoot pada
jvaalaamukhee hai
krodh, jeevan ke khaaleepan ko
bharane ke lie, umad pada
toofaan hai
nissandeh, krodh
uchit nahin, kintu
yadi krodh upaja hee hai to
usaka nistaaran
aparihaary hai
uchit reetiyon se
krodh par ekaadhikaar nahin
kisee ka bhee,
umr mein chhote logon ka krodh, samaaj ko
achchha nahin lagata
bade chhoton par krodh kar sakate hain,
yah sveekaary hai samaaj ko, to
chhoton ko bhee poora adhikaar hai,
badon ke prati apana krodh prakat karane ka
shaanti se, tarkon ke maadhyam se
bilkul uchit tareeke se
krodh ke kshan yadi
sneh aur apanatv se
samajhe jaayen to
jeevan kee mrduta
sadaiv haree rahe
kyonki
krodh ka,shabdon mein,
vyakt ho jaana hee
shreyaskar hai
avyakt krodh
man aur jeevan ko
khokhala bana deta hai
krodh ko shaanti se
vyakt na kar paane vaale
aur use avyakt hee rahane dene vaale log
vijeta nahin,
svayan se hee haare hue hote hain!

Add Comment

By: Anupma Vindhyavasini

© 2021 Pothi | All Rights Reserved

Do not copy, Please support by sharing!