loader image

baarish – a poem by Anupma Vindhyavasini

baarish!
punah prateeksha kee bela ke paar
tum laut aaee ho
aseem shaanti dhaaran kie hue…
tumhaare barasane ke shor mein
samaaya hai
samoochee prakrti ka sannaata…
tumheen to rachatee ho
sampoorn sansaar kee naveenata…
oonche devadaar ke vrkshon se lekar
nanheen ghaason kee koron tak
phoos kee jhopadiyon se lekar
kankreet kee deevaaron tak
sabake hrdayon ko
nam kar jaatee ho tum…
tumhaare barasane se sab kuchh
lagata hai kitana
poorn aur trpt
sukoon se bhara…
baarish!
tumhaara aana, prakrti ko
hareetima se bhar deta hai
aur
tumhaara jaana, srshti ko
bheetar tak khaalee kar deta hai…

Add Comment

By: Anupma Vindhyavasini

© 2023 Pothi | All Rights Reserved

Do not copy, Please support by sharing!