loader image

kan kan mein hai basata prem

nae savere jaisa ujala,
kadee dhoop sa jalata prem
kabhee saanjh ke thake soory sa,
thoda-thoda dhalata prem

kabhee kshitij jaisa aabhaasee,
door se hee bas dikhata prem
hrday tale jab aham hai bahata,
oopar-oopar bahata prem

sukh ke chhote dinon ka sahachar,
duhkh ka sabal sahaara prem
jeet hai sakata duniya saaree,
apanon se bas haara prem

baarish ke paanee sa uthala,
saagar jaisa gahara prem
shaant maun ka vikal hrday ke
bhaavon par, jo pahara, prem

nishchal parvat sa kathor hai,
kabhee mom sa pighala prem
man kee soonee vibhaavaree mein
chaand ke jaisa nikala prem

alag-alag roopon mein milata,
thoda-sachcha-jhootha prem
pahachaanon-naamon mein khoya,
toota aur samoocha prem

maan apane haathon se khilaatee,
samajho, vahee nivaala, prem
pita ke krodh ne apane shabdon
mein jitana kah daala, prem

jag kee hai yah ajab pahelee,
saare bandhan rachata prem
eeshvar mein vishvaas prem hai,
kan kan mein hai basata prem!

Add Comment

By: Anupma Vindhyavasini

© 2021 Pothi | All Rights Reserved

Do not copy, Please support by sharing!