gati prabal pairon mein bharee
phir kyon rahoon dar dar khada
jab aaj mere saamane
hai raasta itana pada
jab tak na manjil pa sakoon,
tab tak mujhe na viraam hai,
chalana hamaara kaam hai.
kuchh kah liya, kuchh sun liya
kuchh bojh apana bant gaya
achchha hua, tum mil gaee
kuchh raasta hee kat gaya
kya raah mein parichay kahoon,
raahee hamaara naam hai,
chalana hamaara kaam hai.
jeevan apoorn lie hue
paata kabhee khota kabhee
aasha niraasha se ghira,
hansata kabhee rota kabhee
gati-mati na ho avarooddh,
isaka dhyaan aatho yaam hai,
chalana hamaara kaam hai.
is vishad vishv-prahaar mein
kisako nahin bahana pada
sukh-dukh hamaaree hee tarah,
kisako nahin sahana pada
phir vyarth kyon kahata phiroon,
mujh par vidhaata vaam hai,
chalana hamaara kaam hai.
main poornata kee khoj mein
dar-dar bhatakata hee raha
pratyek pag par kuchh na kuchh
roda atakata hee raha
niraasha kyon mujhe?
jeevan isee ka naam hai,
chalana hamaara kaam hai.
saath mein chalate rahe
kuchh beech hee se phir gae
gati na jeevan kee rookee
jo gir gae so gir gae
rahe har dam,
usee kee saphalata abhiraam hai,
chalana hamaara kaam hai.
phakat yah jaanata
jo mit gaya vah jee gaya
moondakar palaken sahaj
do ghoont hansakar pee gaya
sudha-mikshrit garal,
vah saakiya ka jaam hai,
chalana hamaara kaam hai.