sudoor kaamana
saaree oorjaen
saaree kshamataen khone par,
yaani ki
bahut bahut
bahut boodha hone par,
ek din chaahoonga
ki too mar jae.
(isalie nahin bataaya
ki too dar jae.)
haan us din
apane haathon se
tera sanskaar karunga,
usake theek ek maheene baad
main maroonga.
us din main
tujh maree huee ka
saundary dekhoonga,
tere sthaee maun se sunoonga.
qareeb,
aur qareeb jaate hue
pahale mastak
aur antim taur par
charan choomoonga.
apanee budhiya kee
jhurriyon ke saath-saath
usakee ek-ek khoobee ginoonga
ungaliyon se.
jhurriyon se zyaada
khoobiyaan hongee
aur phir ginate-ginate
ginate-ginate
ungaliyaan kaampane lagengee
angootha thak jaega.
phir man-man mein ginoonga
poore maheene ginata rahoonga
bahut kam sounga,
aur chhipakar nahin
apane bete-betee
pote-potiyon ke saamane
aansuon se rooonga.
ek maheena
haalaanki zyaada hai
par marana chaahoonga
ek maheene hee baad,
aur us dauraan
taaza karoonga
teree ek-ek yaad.
aastik ho jaoonga
ek maheene ke lie
bas tera naam japoonga
aur dhooonga
phaalatoo jeevan ka saakshaat bojh
har pal teeson roz.
in tees dinon mein
kaagaz nahin chhoounga
qalam nahin chhoounga
akhabaar nahin padhoonga
sangeet nahin sunoonga
bas apane bheetar
tujhee ko gunjaunga
aur teesaveen raat ke
gahan sannaate mein
khataak se mar jaunga.