ek baar
barakhuradaar!
ek rupe ke sikke,
aur paanch paise ke sikke mein,
ladaee ho gaee,
pars ke andar
haathaapaee ho gaee.
jab paanch ka sikka
danadana gaya
to rupaya jhanajhana gaya
piddee na piddee kee dum
apane aapako
kya samajhate ho tum!
mujhase ladate ho,
auqaat dekhee hai
jo akadate ho!
itana kahakar maar diya dhakka,
subakate hue bola
paanch ka sikka-
hamen chhota samajhakar
dabaate hain,
kuchh bhee kah len
daan-punn ke kaam to
ham hee aate hain.