loader image

hindustaanee bachchon ka qaumee geet

chishtee ne jis zameen mein paigaam-e-haq sunaaya
naanak ne jis chaman mein vahadat ka geet gaaya
taataariyon ne jis ko apana vatan banaaya
jis ne hijaaziyon se dasht-e-arab chhudaaya
mera vatan vahee hai mera vatan vahee hai

yoonaaniyon ko jis ne hairaan kar diya tha
saare jahaan ko jis ne ilm o hunar diya tha
mittee ko jis kee haq ne zar ka asar diya tha
turkon ka jis ne daaman heeron se bhar diya tha
mera vatan vahee hai mera vatan vahee hai

toote the jo sitaare faaras ke aasamaan se
phir taab de ke jis ne chamakae kahakashaan se
vahadat kee lay sunee thee duniya ne jis makaan se
meer-e-arab ko aaee thandee hava jahaan se
mera vatan vahee hai mera vatan vahee hai

bande kaleem jis ke parbat jahaan ke seena
nooh-e-nabee ka aa kar thahara jahaan safeena
rifat hai jis zameen kee baam-e-falak ka zeena
jannat kee zindagee hai jis kee faza mein jeena
mera vatan vahee hai mera vatan vahee hai

Add Comment

By: Allama Muhammad Iqbal

© 2023 Pothi | All Rights Reserved

<p style="text-align: center;">Do not copy, Please support by sharing!</p>