loader image

sigaret – a poem by Amrita Pritam

yah aag kee baat hai
toone yah baat sunaee hai
yah zindagee kee vo hee sigaret hai
jo toone kabhee sulagaee thee

chingaaree toone de thee
yah dil sada jalata raha
vaqt kalam pakad kar
koee hisaab likhata raha

chaudah minit hue hain
isaka khaata dekho
chaudah saal hee hain
is kalam se poochho

mere is jism mein
tera saans chalata raha
dharatee gavaahee degee
dhuaan nikalata raha

umar kee sigaret jal gayee
mere ishke kee mahak
kuchh teree saanson mein
kuchh hava mein mil gayee,

dekho yah aakharee tukada hai
oongaleeyon mein se chhod do
kahee mere ishkue kee aanch
tumhaaree oongalee na chhoo le

zindagee ka ab gam nahee
is aag ko sambhaal le
tere haath kee kher maangatee hoon
ab aur sigaret jala le!!

953

Add Comment

By: Amrita Pritam

© 2022 Pothi | All Rights Reserved

Do not copy, Please support by sharing!