loader image

mainne pal bhar ke lie

mainne pal bhar ke lie–aasamaan ko milana tha
par ghabaraee huee khadee thee….
ki baadalon kee bheed se kaise gujaroongee..

kaee baadal syaah kaale the
khuda jaane-kab ke aur kin sanskaaron ke
kaee baadal garajate dikhate
jaise ve naseeb hote hain raahageeron ke

kaee baadal shukate, chakkar khaate
khandaharon ke khol se uthate, khatare jaise
kaee baadal uthate aur girate the
kuchh poorvajon ki phatee patriyon jaise

kaee baadal ghirate aur ghoorate dikhate
ki saara aasamaan unakee mutthee mein ho
aur jo koee bhee is raah par aaye
vah jar khareed gulaam kee tarah aaye..

main nahin jaanatee ki kya aur kise kahoon
ki kaaya ke andar–ek aasamaan hota hai
aur usakee mohabbat ka takaaja..
vah kaayanaatee aasamaan ka deedaar maangata hai

par baadalon kee bheed ka yah jo bhee fikr tha
yah fikr usaka nahin–mera tha
usane to ishk kee kaanee kha lee thee
aur ek daravesh kee maanind usane
mere shvaashon ki dhunee raam lee thee
mainne usake paas baith kar dhunee kee aag chhedee
kaha-ye teree aur meree baaten…
par yah baaten–baadalon ka hujoom sunega
tab bata yogee! mera kya banega?

vah hansa—
neelee aur aasamaanee hansee
kahane laga–
ye dhune ke ambaar hote hain—
ghirana jaanate
garjana bhee jaanate
nigaahon kee varjana bhee jaanate
par inake tevar
taaron mein nahin ugate
aur neele aasamaan kee dehee par
iljaam nahin lagate…

mainne phir kaha–
ki tumhe seene mein lapet kar
main baadalon kee bheed se
kaise gujaroongee?
aur chakkar khaate baadalon se
kaise raasta maagoongee?

khuda jaane–
usane kaisee talab pee thee
bijalee kee lakeer kee tarah
usane mujhe dekha,
kaha—
tum kisee se raasta na maangana
aur kisee bhee divaar ko
haath na lagaana
na hee ghabaraana
na kisee ke bahalaave mein aana
baadalon kee bheed mein se
tum pavan kee tarah gujar jaana…

324

Add Comment

By: Amrita Pritam

© 2022 Pothi | All Rights Reserved

Do not copy, Please support by sharing!