loader image

ham milate rahenge – a poem by Anuradha Ananaya

jaisa ki tay tha
ham milate hain utanee hee beqaraaree se
jaise tum aaye ho kisee doosare hee nakshatr se
apane hamavatan doston ke paas

apane garm kapadon, mevon ke saath
tum le aaye apanee padosan kee kahaanee apanee zubaan par laad kar jisamen vo bol rahee hai
kaise usane
khud ko aur apane bachche ko
garm surkhiyon se door rakha tha
jo ghar ke sabase surakshit kamare mein
apanee god mein doodh pila rahee thee dudhamoohe ko
kaise ek bhayaanak dhamaake ko pata chal gaya
us kamare ka aur phod die gaye unake sir
surakshit chhat ke neeche, surakshit god mein hee

tumhaaree zabaan se chhalakata hai us boodhe ka dard
jisaka javaan beta ek arse se gaayab hai
jisakee bachchee ke naamonnishaan koee jangal nahin jaanata
koee pahaad, koee paanee nahin bataata
usaka pata

tumane bataaya apane naujavaan dost ke baare mein
jo aaya tha tumhaare hee saath is safar mein
kaise use bheed ne dauda-dauda kar peeta
bina kisee bahas ke, bina kisee jhagade ke
jhagada jo bahut maamoolee hota hai tumhaare anubhavon mein aksar
jo kisee kapade, kisee meve ke molatol ko lekar
jise tum sunaate ho kisee lateefe kee tarah

hamesha kee tarah tumhaare zikr mein aate hain vo tamaam bachche
jo dukhon kee zameen par khushanumaan paudhon se bade ho rahe hain
apane jaanavaron ke saath sangeet rachate hain
aur riyaaz karate hain jangalon mein khushiyon ke geeton ka
is mushkil vakt mein bhee
tumhaare haathon bhejate hain apanee dharatee kee hariyaalee, taaza havaen aur bulaave
aur tum baar-baar aate ho
aas ke sandeshe lie
apane hamavatan saathiyon ke paas
us vaade ko yaad dilaane
jisamen tay hua tha
zinda rahane aur rakhane kee zid ke saath
ham milate rahenge
kisee khaas mausam mein
har saal kee tarah!

Add Comment

By: Anuradha Ananya

© 2023 Pothi | All Rights Reserved

Do not copy, Please support by sharing!