loader image

cheentee – a poem by Sumitranandan Pant

cheentee ko dekha?
vah saral, viral, kaalee rekha
tam ke taage see jo hil-dul,
chalatee laghu pad pal-pal mil-jul,
yah hai pipeelika paanti! dekho na, kis bhaanti
kaam karatee vah satat, kan-kan kanake chunatee avirat.

gaay charaatee, dhoop khilaatee,
bachchon kee nigaraanee karatee
ladatee, ari se tanik na daratee,
dal ke dal sena sanvaaratee,
ghar-aangan, janapath buhaaratee.

cheentee hai praanee saamaajik,
vah shramajeevee, vah sunaagarik.
dekha cheentee ko?
usake jee ko?
bhoore baalon kee see kataran,
chhupa nahin usaka chhotaapan,
vah samast prthvee par nirbhar
vicharan karatee, shram mein tanmay
vah jeevan kee tinagee akshay.

vah bhee kya dehee hai, til-see?
praanon kee rilamil jhilamil-see.
dinabhar mein vah meelon chalatee,
athak kaary se kabhee na talatee.

896

Add Comment

By: Sumitranandan Pant

© 2021 Pothi | All Rights Reserved

Do not copy, Please support by sharing!