loader image

kholo, mukh se ghoonghat kholo

kholo, mukh se ghoonghat kholo,
he chir avagunthanamayi, bolo!
kya tum keval chir-avagunthan,
athava bheetar jeevan-kampan?
kalpana maatr mrdu deh-lata,
pa oordhv brahm, maaya vinata!
hai sprshy, sparsh ka nahin pata,
hai drshy, drshti par sake bata!
pat par pat keval tam apaar,
pat par pat khule, na mila paar!
sakhi, hata aparichay-andhakaar
kholo rahasy ke marm dvaar!
main haar gaya tah chheel-chheel,
aankhon se priy chhabi leel-leel,
main hoon ya tum? yah kaisa chhl!
ya ham donon, donon ke bal?
tum mein kavi ka man gaya sama,
tum kavi ke man kee ho sushama;
ham do bhee hain ya nity ek?
tab koee kisako sake dekh?
o maun-chirantan, tam-prakaash,
chir avachaneey, aashchary-paash!
tum atal gart, avigat, akool,
phailee anant mein bina mool!
agyey guhy ag-jag chhaee,
maaya, mohini, sang-sang aaee!
tum kuhukini, jag kee moh-nisha,
main rahoon saty, tum raho mrsha!

459

Add Comment

By: Sumitranandan Pant

© 2023 Pothi | All Rights Reserved

Do not copy, Please support by sharing!