kya khoya, kya paaya jag mein
milate aur bichhudate mag mein
mujhe kisee se nahin shikaayat
yadyapi chhala gaya pag-pag mein
ek drshti beetee par daalen, yaadon kee potalee tatolen!
prithvee laakhon varsh puraanee
jeevan ek anant kahaanee
par tan kee apanee seemaen
yadyapi sau sharadon kee vaanee
itana kaafee hai antim dastak par, khud daravaaza kholen!
janm-maran avirat phera
jeevan banjaaron ka dera
aaj yahaan, kal kahaan kooch hai
kaun jaanata kidhar savera
andhiyaara aakaash aseemit,praanon ke pankhon ko taulen!
apane hee man se kuchh bolen!