toot sakate hain magar ham jhuk nahin sakate
saty ka sangharsh satta se
nyaay ladata nirankushata se
andhere ne dee chunautee hai
kiran antim ast hotee hai
deep nishtha ka liye nishkamp
vajr toote ya uthe bhookamp
yah baraabar ka nahin hai yuddh
ham nihatthe, shatru hai sannaddh
har tarah ke shastr se hai sajj
aur pashubal ho utha nirlajj
kintu phir bhee joojhane ka pran
angad ne badhaaya charan
praan-pan se karenge pratikaar
samarpan kee maang asveekaar
daanv par sab kuchh laga hai, ruk nahin sakate
toot sakate hain magar ham jhuk nahin sakate