loader image

Famous sher of Danish Aligarhi

muskura kar un ka milana aur bichhadana rooth kar
bas yahee do lafz ik din daastaan ho jaenge


aakhiree vaqt talak saath andheron ne diya
raas aate nahin duniya ke ujaale mujh ko


ho ke majaboor ye bachchon ko sabaq dena hai
ab qalam chhod ke talavaar utha lee jae


tere firaaq ne kee zindagee ata mujh ko
tera visaal jo milata to mar gaya hota


zarre zarre mein mahak pyaar kee daalee jae
boo taassub kee har ik dil se nikaalee jae


gar tarannum par hee danish munahasir hai shairee
phir to duniya bhar ke shair nagma-khvaan ho jaenge


apane dushman ko bhee khud badh ke laga lo seene
baat bigadee huee is tarah bana lee jae


roodaad-e-shab-e-gam yoon darata hoon sunaane se
mahfil mein kaheen un kee soorat na utar jae


958

Add Comment

By: Danish Aligarhi

© 2022 Pothi | All Rights Reserved

Do not copy, Please support by sharing!