loader image

bodhisattv – a poem by Dinkar

simat vishv-vedana nikhil baj uthee karun antar mein,
dev! hunkarit hua kathin yugadharm tumhaare svar mein.
kaanton par kaliyon, gairik par kiya mukut ka tyaag
kis sulagn mein jaga prabho! yauvan ka teevr viraag?
chale mamata ka bandhan tod
vishv kee mahaamukti kee or.

tap kee aag, tyaag kee jvaala se prabodh-sandhaan kiya,
vish pee svayan, amrt jeevan ka trshit vishv ko daan kiya.
vaishaalee kee dhool charan choomane lalak lalachaatee hai,
smrti-poojan mein tap-kaanan kee lata pushp barasaatee hai.

vat ke neeche khadee khojatee lie sujaata kheer tumhen,
bodhivriksh-tal bula rahe kalarav mein kokil-keer tumhen.
shastr-bhaar se vikal khojatee rah-rah dhara adheer tumhen,
prabho! pukaar rahee vyaakul maanavata kee janjeer tumhen.

aah! sabhyata ke praangan mein aaj garal-varshan kaisa!
dhrna sikha nirvaan dilaanevaala yah darshan kaisa!
smrtiyon ka andher! shaastr ka dambh! tark ka chhal kaisa!
deen dukhee asahaay janon par atyaachaar prabal kaisa!

aaj deenata ko prabhu kee pooja ka bhee adhikaar nahin,
dev! bana tha kya dukhiyon ke lie nithur sansaar nahin?
dhan-pishaach kee vijay, dharm kee paavan jyoti adrshy huee,
daudo bodhisattv! bhaarat mein maanavata asprshy huee.

dhoop-deep, aaratee, kusum le bhakt prem-vash aate hain,
mandir ka pat band dekh ‘jay’ kah niraash phir jaate hain.
shabaree ke joothe beron se aaj raam ko prem nahin,
meva chhod shaak khaane ka yaad naath ko nem nahin.

par, gulaab-jal mein gareeb ke ashru raam kya paayenge?
bina nahaaye is jal mein kya naaraayan kahalaayenge?
manuj-megh ke poshak daanav aaj nipat nirdvandv hue;
kaise bache deen? prabhu bhee dhaniyon ke grh mein band hue.

anaachaar kee teevr aanch mein apamaanit akulaate hain,
jaago bodhisattv! bhaarat ke harijan tumhen bulaate hain.
jaago viplav ke vaak‌! dambhiyon ke in atyaachaaron se,
jaago, he jaago, tap-nidhaan! daliton ke haahaakaaron se.

jaago, gaandhee par kiye gae narapashu-patiton ke vaaron se,
jaago, maitree-nirghosh! aaj vyaapak yugadharm-pukaaron se.
jaago, gautam! jaago, mahaan!
jaago, ateet ke kraanti-gaan!
jaago, jagatee ke dharm-tattv!
jaago, he! jaago bodhisattv!

1934

896

Add Comment

© 2022 Pothi | All Rights Reserved

Do not copy, Please support by sharing!