loader image

patana jel kee deevaar se

mrityu-bheet shat-laksh maanavon kee karunaardr pukaar!
dhah padana tha tumhen aree ! o patthar kee deevaar!
nishphal laut rahee thee jab maranevaalon kee aah,
de denee thee tumhen abhaagini, ek mauj ko raah.

ek manuj, chaalees koti manujon ka jo hai pyaara,
ek manuj, bhaarat-raanee kee aankhon ka dhruvataara.
ek manuj, jisake ingit par koti log chalate hain,
aage-peechhe nahin dekhate, khushee-khushee jalate hain.

ek manuj, jisaka shareer hee bandee hai paashon mein,
lekin, jo jee raha mukt ho janata kee saanson mein.
jisaka jvalit vichaar desh kee chhaatee mein balata hai,
aur deept aadarsh pavan mein bhee nishchal jalata hai.

koti praan jis yashahkaay rshi kee mahima gaate hain,
itihaason mein svayan charan ke chihn bane jaate hain.
vah manushy, jo aaj tumhaara bandee keval tan se,
lekin, vyaap raha hai jo saare bhaarat ko man se.

mutthee bhar haddiyaan nigalakar paapini, itaraatee ho?
mukt viraat purush kee maaya samajh nahin paatee ho?
tumhen gyaat, ur-ur mein kisakee peeda bol rahee hai?
dharm-shikha kisakee pradeept grh-grh mein dol rahee hai?

kisake lie asankhy lochanon se jharane hai jaaree?
kisake lie dabee aahon se chhitak rahee chinagaaree?
dhundhuaatee bhatthiyaan ek din phootengee, phootengee;
ye jad patthar kee deevaaren tootengee, tootengee.

janjeeron se bada jagat mein bana na koee gahana,
jay ho us balapunj sinh kee, jisane inako pahana.
aankhon par pahara bithala kar hansen na kirichonvaale,
phatane hee vaale hain yug ke baadal kaale-kaale.

milee na jinako raah, veg ve vidyut ban aate hain,
bahe nahin jo ashru, vahee angaare ban jaate hain.
maanavendr raajendr hamaara ahankaar hai, bal hai,
tapahpoot aalok, desh maata ka khadg prabal hai.

jis din hogee khadee taan kar bhrkutee bhaarat-raanee
khadg ugal dena hoga o pishaachinee deevaanee!
ghadee mukti kee nahin talegee kabhee kisee ke taale,
shaap de gaye tumhe, kintu, mithila ke maranevaale.

1945

698

Add Comment

© 2022 Pothi | All Rights Reserved

Do not copy, Please support by sharing!