yaraan-e-be-bisaat ki har baazee-e-hayaat
khele bagair haar gae maat ho gaee
na-kaamee-e-ishq ya kaamayaabee
donon ka haasil khaana-kharaabee
ahal-e-zabaan to hain bahut koee nahin hai ahal-e-dil
kaun tiree tarah hafeez dard ke geet ga sake
phir de ke khushee ham use naashaad karen kyoon
gam hee se tabeeat hai agar shaad kisee kee
vafa ka laazamee tha ye nateeja
saza apane kie kee pa raha hoon
aane vaale kisee toofaan ka rona ro kar
na-khuda ne mujhe saahil pe dubona chaaha
mire doob jaane ka bais na poochho
kinaare se takara gaya tha safeena
aashiq sa bad-naseeb koee doosara na ho
maashooq khud bhee chaahe to us ka bhala na ho
khaamosh ho gaeen jo umangen shabaab kee
phir jurat-e-gunaah na kee ham bhee chup rahe
qaem kiya hai main ne adam ke vajood ko
duniya samajh rahee hai fana ho gaya hoon main